فردوس الذات كجهنم الذات منفصل

حسن إسماعيل

هناك مسافات تظل مجهولة بداخلك

هناك نزف لا تصل إليه بداخلك

هناك بكاء مكتوم لا تصل إليه بداخلك

هناك قيد وجوع لا تصل إليه بداخلك

رويدًا رويدًا النور يكشف وتعرف نفسك وتتحرر

وهناك مسافات في الآخر تظل مجهولة

والنور يكشف فتعرف ويعرف ويتحرر

هناك نزف لا تقدر أن تصل إليه بداخله

هناك بكاء وقيد وجوع وعطش لا تقدر أن تصل إليه بداخله

لأجل كل هذا القصور والمحدودية تظل المواجدة مهما كانت عميقة غير كاملة وغير مشبعة للدرجة العظمى

رويدًا رويدًا تعرف محدوديتك ومحدودية الآخر وتقبل هذا المجهول وهذا الغموض وتعطي نفسك للنور بحب

مافيش قيمة لحياة أو تابو بلا رحمة وتحنن

كل الكلام فارغ

كل الشعارات فاضية

كل المعاني خاوية

لو مافيش رحمة وحب وتحنن وخير

وانت بتتكلم مع حد على بلد بتعرفها وبيكلمك على بلد متعرفهاش…..

اعرف أن أهم احتياج عندك تعرف البلد اللي متعرفهاش

تسمع كويس تفهم كويس اللي مش عندك

دي زتونة أي حوار فكري عميق

الفكرة اللي مش عندك أهم من الفكرة اللي عندك

النقد اللي مش عندك أهم من النقد اللي عندك

الآخر اللي مش عندك أهم من الأنا اللي عندك

محدش بينزل يشتري نفس الجبنة مرتين…. اشتري اللي مش عندك

ده ثراء التنوع ومرونة التغيير

مهم تعترف بالنكسة العلمية ومحاربة العلم لمدة قرووووون

وتعترف بالنكسة الروحية التي لم تفض بفرق في العالم

ميل الانبهار والمعجزة وتسديد الاحتياج… ميل طفولي

ميل الاحتجاب والمسئولية والمعرفة الحقة…

ميل الفطام والعلاقة المسئولة والمعرفة الحقة

يأخذك الانطباع الوهمي الذاتي جدًا

لتصور وهمي ذاتي جدًا

لانتظار وهمي ذاتي جدًا

العلبة دي مافيهاش آخر مافيهاش آخر

كل ذات لا يوجد في حدقة عينيها آخر.. ذات عمياء

الآخر كاشف لحقيقتك

لمناطق وهمك وضعفك وجمالك.. لغفرانك وقسوتك ورحمتك

لتعصبك وعنصريتك ومرونتك وموضوعيتك

تمتحن وتفحص وتنحت وتتشكل وهو أيضًا

أنت بلا نحت …. أنت بلا آخر حقيقي

كل احتكار على مقاسك… ضدك

كل حصرية على مقاسك…  ضدك

فردوسك وجهنمك…. ضدك

تاجك وتربعك…  ضدك

دور الضحية هو باب الهروب من المسئولية

والشعور بالذنب هو حجارة رجم المسئولية

وكمال الذات عرش البطولة الوهمية

كل فكرة تجعلك تحت تهديد السلاح… فكرة ضدك

وكل مشاعر تجعلك تحت تهديد السلاح…. مشاعر ضدك

كل تسلط… كل قيد… كل عبودية

ضدك

التغيير والتطور مش ممثل على مسرح بيعمل دور هدفه يعجب الجمهور

ولا فقرة من فقرات المولد ولا قرد بيمشي على الحبل في السيرك

لو كل هدفك عين ولسان وجيب الآخر.. دي مش سكة التغيير

دي سكة جوعك وسكة المولد والسيرك والعنبر

في سؤال حقيقي وفى سؤال علشان صورتك تطلع حلوة

في إجابة بجد وفى إجابة علشان صورتك تطلع حلوة

في سكة مخاضية للتغيير وفى سكة علشان زخارف الخارج وقناعك يكون جميل وجذاب

والفرق رهيب جدًا