سؤال محيرني: ليه بحس أني متضايق لما بعمل حاجة غلط؟

ربنا أدانا الضمير جوانا بنقدر نعرف بيه الصح من الغلط. علشان كده بمجرد ما نعمل حاجة غلط بنبتدي نحس بالذنب، والضيق.

بس في أحيان كتير ممكن نتجاهل الشعور ده بأننا نقول إن مفيش حاجة غلط حصلت، ونكدب.

لكن ده غلط. لأن ربنا حط جوانا الضمير علشان يحذرنا من الغلط، ولو إحنا ماسمعناش صوت ربنا جوانا ونفذناه في كل مرة يحذرنا فيها، صوت الضمير اللي جوانا ده مرة في مرة مش هانقدر نسمعه تاني.

في كل مرة صوت الضمير جواك يحذرك من حاجة غلط بتعملها أو تقولها، فكر شوية واسأل نفسك: “هل اللي هاعمله ده هايبسط ربنا ولا هايزعله؟ وأدور في كتابي عن اللي ربنا قالي أعمله في الموقف ده.

بعد كده اطلب من ربنا يرشدك ويساعدك أنك تعمل الحاجة الصح. ولو كنت فعلاً عملت الحاجة الغلط دي وحسيت بالذنب، اجرِ صلِ لربنا واطلب أنه يسامحك وماتعملش كده تاني.

افتح كتابك على رسالة بولس الرسول لأهل رومية الأصحاح 2 والعدد 15، وكمان كورنثوس الثانية الأصحاح 7 والعدد 8 لعدد 10، واعرف الكتاب بيقول إيه.